Reagimi i Alketës Vejsiu ndaj zhvillimeve në “Big Brother VIP Kosova” ka ndezur debat të ri rreth përmbajtjes së formatit. Moderatorja e njohur, përmes një postimi në Instagram, ka shprehur hapur kundërshtimin e saj për drejtimin që ka marrë programi dhe zgjedhjen e disa prej konkurrentëve, transmeton Raporto24.
Vejsiu ndalet fillimisht te skenat që, sipas saj, nuk janë të përshtatshme për t’u transmetuar gjatë ditës. Ajo shkruan:
“Do ta prezantoja mirë; do ta ngrija nivelin, sepse tek Bigu Kosovës, nga ajo që shoh në rrjetet sociale, është tejkaluar çdo limit etik. Nuk jam për porno në mes të ditës, kurrsesi. Shoh skena që të krijojnë bezdi dhe diskomfort.”
Moderatorja kritikon edhe përzgjedhjen e personazheve brenda shtëpisë, duke vënë në pikëpyetje vlerat dhe rolin e disa prej tyre. Ajo shton:
“Ka personazhe interesantë, ka pastaj njerëz që nuk e di çfarë përfaqësojnë, me çfarë statusi futen. Pse duhet të bëhen model ca modele që nuk përfaqësojnë asgjë, veç tundin të pasmet dhe na japin leksione erotizmi.”
Deklaratat e saj kanë hapur diskutime të reja mbi standardet, përgjegjësinë dhe drejtimin editorial të formatit, duke rikthyer në qendër të vëmendjes etikën e përmbajtjes televizive.