Spanja është zyrtarisht vendi i parë europian që miraton lejen menstruale të paguar

Ligji i ri u lejon vajzave/grave që vuajnë nga dhimbje të forta menstruale të marrin pushim mjekësor të certifikuar pa humbur të ardhurat.

Zakonisht leja përfshin deri në tre ditë në muaj, por në rastet më të rënda mund të zgjatet deri në pesë ditë. Të gjitha kostot mbulohen nga sistemi i sigurimeve shoqërore të Spanjës, dhe jo nga punëdhënësit.

Ligjvënësit thonë se synimi është që shëndeti menstrual të njihet si një çështje e vërtetë mjekësore, jo diçka që njerëzit duhet ta përballojnë në heshtje.