Tragjedia që tronditi opinionin publik vazhdon të përcillet me pikëllim të thellë.
Babai i studentes 25-vjeçare, Daorsa Spahija nga Gjakova, e cila u gjet pa shenja jete natën e mbrëmshme në Tetovë, ka reaguar me një postim prekës në rrjete sociale.
Arbër Spahija, i pikëlluar për humbjen e vajzës së tij, ka ndarë një fotografi të së ndjerës, duke shkruar:
“Pusho e qetë në Parajsë, dritë e syve të mi.”
Ceremonia e varrimit të Daorsës do të mbahet nesër në varrezat e qytetit të Gjakovës, me fillim nga ora 14:00.
Ndërkohë, Prokuroria Themelore në Tetovë ka bërë të ditur se hetimet për rastin janë intensifikuar. Sipas njoftimit zyrtar, po ndërmerren të gjitha masat e nevojshme për zbardhjen e plotë të ngjarjes, megjithatë të dhënat e para nuk japin indikacione për ndonjë vepër penale.
Ngushëllime familjes Spahija për humbjen e rëndë! /Prive By Liberta Spahiu