E pabesueshme/ TikTokeri i njohur Diamanti Blu sulmohet në live, ja kush dyshohet pas ngjarjes (VIDEO)

Një ngjarje e pazakontë ka ndodhur gjatë një transmetimi live në TikTok, ku personazhi i njohur i rrjeteve sociale me nofkën “Diamanti Blu” është dhunuar para qindra ndjekësve të tij.

Gjatë komunikimit me fansat, në sfond shfaqet papritur një person i panjohur i cili i afrohet dhe e godet me shuplaka. Më pas, ai e detyron të kërkojë falje gjatë transmetimit, ndërsa momenti është regjistruar në video dhe është shpërndarë me shpejtësi në rrjet.

Ndërkohë që identiteti i autorit të sulmit nuk është bërë i ditur, ndjekësit kanë nisur aludime se pas kësaj ngjarjeje mund të qëndrojë një person me emrin Aron, me të cilin “Diamanti Blu” ka pasur më herët konflikte dhe përplasje publike.

Sipas fansave, ky incident mund të ketë qenë një mesazh i qëllimshëm, megjithatë deri tani nuk ka asnjë konfirmim zyrtar dhe mbetet e paqartë nëse ky version është i vërtetë apo thjesht spekulim.

Videoja ka krijuar reagime të shumta në rrjet, ku disa ndjekës shprehen të shqetësuar për gjendjen e “Diamantit Blu”, ndërsa të tjerë e shohin si një shfaqje të inskenuar për vëmendje.

https://vm.tiktok.com/ZMAYbTMny/