Shqipe Selimi, ish-ushtare e Ushtrisë Çlirimtare e Kosovës, ka folur në lidhje me procesin gjykues në Hagë, ku bashkëshorti i saj, Rexhep Selimi, po gjykohet bashkë me Hashim Thaçin, Kadri Veselin e Jakup Krasniqin.
Selimi ka vlerësuar se bashkëshorti i saj një ditë do të kthehet në Kosovë.
Në intervistën në ATV, Selimi ka theksuar se nuk ankohet, sepse do të ishte turp ndaj nënave, motrave, vajzave e grave që i kanë humbur më të dashurit e tyre në luftën e fundit, shkruan Gazeta Politika.
“Shumë motra, nëna, vajza e gra sot më të dashurit e tyre nuk i kanë fare të gjallë, nuk i ka në mesin e tyre që nga lufta e jonë e fundit. Kur I mendoj ato, dhimbja ime është për t’u harru, sepse unë e di që Rexha është i gjallë dhe një ditë do të kthehet në Kosovë…Me thanë unë sot që ndihem keq që Rexha nuk është për festa në Kosovë është turp para të gjitha atyre nënave, grave e vajzave e motrave që nuk i kanë më të dashurit e tyre të gjallë. Prandaj ne jemi të fortë, qëndrojmë, është një sfidë e radhës dhe ata besoj shumë shpejt do të kthehen në Kosovë” – tha Selimi në ATV, transmeton Gazeta Politika.