Atmosfera e 28 Nëntorit këtë vit, Dita e Pavarësisë, është shoqëruar ndryshe për komunitetin artistik, pas ndarjes së parakohshme nga jeta të këngëtarit të dashur, Shpat Kasapi.
Pikërisht në këtë mbrëmje, këngëtarja Fifi dhuroi një moment tepër emocional në skenën e koncertit të saj, duke bërë një homazh të veçantë për mikun dhe kolegun e saj të ndjerë.
Fifi zgjodhi të performonte këngën e pavdekshme ‘Valle kosovare’, një pjesë karakteristike e repertorit të Shpat Kasapit, duke e kthyer performancën në një dedikim të sinqertë.
Gjatë interpretimit, emocionet e Fifit ishin të papërmbajtshme.
Ajo ndaloi së kënduari dhe me zë të dridhur nga dhimbja, iu drejtua publikut dhe skenës me fjalët prekëse:
“O Shpat, mos t’u harroft emri kurrë!”
Publiku i pranishëm, i prekur thellë nga ky gjest, shpërtheu në duartrokitje të fuqishme. Ky ishte një moment që shkriu festën e 28 Nëntorit me dhimbjen e humbjes, duke dëshmuar respektin e komunitetit artistik dhe të publikut për trashëgiminë e lënë nga Shpat Kasapi.
Fifi, duke kënduar dhe duke kujtuar Shpatin, i dha një mesazh të qartë dhe të ndjerë: artet dhe kujtimet e artistëve të mëdhenj jetojnë përtej ndarjes nga jeta. /Prive By Liberta Spahiu
https://vm.tiktok.com/ZMAKK8fkE/