Nëna e Shpat Kasapit, Gjylymser Kasapi, ka ndarë një mesazh emocional në rrjetet sociale, duke shprehur mirënjohjen e saj për ata që e kanë mbështetur familjen në këto momente të vështira.
Ajo thekson se solidariteti dhe dashuria e miqve dhe familjarëve kanë qenë një burim ngushëllimi në këtë periudhë të dhimbshme, duke e bërë më të lehtë përballimin e humbjes së rëndë.
Gjylymser Kasapi ka bërë një falënderim të veçantë për nusen e Shpatit, Selvijen, e cila ka luajtur një rol të rëndësishëm në jetën e tij. Ajo e përshkruan Selvijen si një bashkëshorte të devotshme dhe një nënë të shkëlqyer për nipin e saj, Roelin. Këto cilësi, sipas saj, ishin arsyeja pse Shpati e adhuronte kaq shumë.
Selvija ime e dashur, shpirt i shtëpisë së Shpatit, ishte jo vetëm një bashkëshorte e përkushtuar, por edhe një nënë e shkëlqyer,” shkruan Gjylymser. Ajo thekson se lidhja mes Shpatit dhe Selvijes ishte e fortë, dhe fakti që ai ndërroi jetë në krahët e saj flet më shumë se çdo fjalë tjetër për dashurinë e tyre të thellë
Gjylymser ka shprehur gjithashtu shqetësimin e saj për spekulimet dhe keqinterpretimet që mund të lindin pas ngjarjes tragjike. Ajo kërkon respekt për dhimbjen e familjes dhe për Selvijen, duke theksuar se çdo tejkalim i kufijve do të dënohet, jo vetëm moral, por edhe ligjërisht.