Shembull përkushtimi dhe shërbimi ndaj vendit: Dy vëllezër nga Nekoci i Drenasit në institucione të sigurisë
Nga fshati Nekoc i Drenasit vjen një histori frymëzuese përkushtimi dhe përgjegjësie qytetare. Dy vëllezërit, Albton Plakaj dhe Arbon Plakaj, kanë zgjedhur të shërbejnë vendin në dy nga institucionet më të rëndësishme të sigurisë.
Albtoni është pjesë e Ushtrisë, ku shërben me disiplinë dhe përkushtim në mbrojtje të atdheut, ndërsa Arbëni ka zgjedhur rrugën e Policisë, duke kontribuar çdo ditë në ruajtjen e rendit dhe sigurisë publike.
Familjarë, miq dhe bashkëfshatarë shprehen krenarë për rrugëtimin e dy vëllezërve, duke e cilësuar shembullin e tyre si dëshmi se dashuria për vendin dhe gatishmëria për sakrificë vazhdojnë të jenë vlera të forta në shoqërinë tonë.
Historia e Albtonit dhe Arbonit tregon se shërbimi ndaj atdheut nuk është vetëm profesion, por edhe mision dhe nder për familjen dhe komunitetin nga i cili vijnë.